Samninganefnd

Og formaður samninganefndarinnar verður Svavar Gestsson, sem klúðraði Icesave-málinu.

Össur: „Diplómatískur sigur“

33 þingmenn

Ísland hefur ekki lagt inn neina aðildarumsókn í Esb. Hins vegar hafa 33 alþingismenn gert það. Ekki blanda Íslandi inn í vannhugsaðar athafnir rugludalla.

Lettar styðja Íslendinga

Allt í einu eru minnisblöð einskis virði

Núverandi ríkisstjórn hefur haldið því fram, að fyrrverandi ríkisstjórn hafi verið búin að ganga frá samkomulagi við Breta strax í okt./nóv. í fyrra. Bæði Steingrímur J. og Jóhanna Sigurðardóttir fullyrða, að þau séu eingöngu að gera sitt besta til að lágmarka skaðann, sem fyrri ríkisstjórn kom íslensku þjóðinni í. Hins vegar hefur það margoft verið upplýst - og staðfest - að ekkert samkomulag hafi verið gert við Breta, hvorki um Icesave né  nokkuð annað. Hins vegar settu einn eða tveir ráðherrar fyrri ríkisstjórnar stafi sína undir minnisblað, þar sem velt var upp möguleikum og hugmyndum um hvernig þessar tvær þjóðir gætu nálgast málið. Það skal áréttað, að hér var um minnisblað að ræða, sem getur aldrei verið ígildi samnings.

   Nú bregður hins vegar svo við, að minnisblað, sem Össur Skarphéðinsson fékk frá bresku lögmannsstofunni Mishcon de Reya 29. mars þess efnis, að Íslendingar beri enga ábyrgð á Icesave samkvæmt lögum - allt í einu hefur "minnisblað" enga þýðingu. Að vísu fullyrðir Össur, að hann hafi aldrei séð þetta minnisblað. Segir líka, að það hefði engu breytt, þótt það hefði verið notað í þeim samningum, sem núverandi ríkisstjórn hefur handsalað gagnvart Bretum. Minnisblað er ekkert, sem hægt er að byggja á. Ekki núna. Steingrímur J. hefur hins vegar fullyrt, að þessu sama minnisblaði hafi verið veifað af samninganefndinni (undir dyggri stjórn Svavars Gestssonar!!) en Bretar hefðu hundsað það eins og hvert annað prump. Steingrímur viðurkennir líka -allt í einu og í fyrsta sinn - að lagaóvissan hafi alltaf verið til staðar. En þrátt fyrir óvissuna krefst hann, að alþingi samþykki þennan óskapnað, þótt samþykkið þýði, að hver einasti Íslendingur fari í þrot. Niðurstaða mín er sú, að samninganefndin, sem ríkisstjórnin skipaði til að leiða þessa samninga við Breta, var skipuð viðvaningum og þess vegna eru málin komin í þennan hnút. Mishcon de Reya bauðst til að vinna þetta mál fyrir íslensku ríkisstjórnina en það var afþakkað. Steingrímur J. og Jóhanna Sig. töldu, að íslenska samninganefndin hefði í fullu tré við þá bresku. Og þess vegna er íslenska þjóðin komin á kaldan klaka.

„Mér er sagt það sé til“

Icesave

Steingrímur J. fékk flokksbróður sinn, Svavar Gestsson, til að fara fyrir "samninganefnd" íslenska ríkisins. Til hvers þurfti þessa nefnd þegar henni var uppálagt að gera ekki annað en setja  stafi sína undir það sem Bretar (og Hollendingar) höfðu ákveðið? Hvar fékk Svavar skólun  í samningagerð? Af hverju voru ekki fengnir reyndir menn í þessu fagi, sem kunnu að fást við hluti af þessu tagi? Á hverjum degi - og jafnvel oft á dag - eru að koma fram upplýsingar um, að okkur ber engan veginn að borga þessa Icesavereikninga. Enda var það ekki íslenska þjóðin, sem stofnaði til þessara reikninga, heldur öráir montrassar, sem eru að vísu - því miður - Íslendingar. Gylfi Magnússon setur samasemmerki milli þessara fjárglæframanna (sem eru innan við 100) og íslensku þjóðarinnar. Þetta er bara bull og getur ekki staðist neina skoðun. Ef íslenska ríkisstjórnin ætlar að gerast ábyrgðaraðili - fyrir hönd íslensku þjóðarinnar - vegna þessara glæpamanna - þá er hún vitandi vits að setja alla Íslendinga í gjaldþrot. Í stuttu máli: Alþingi á að sjá sóma sinn í að fella þennan samning (óskapning) og þar með dæma þá, sem að honum stóðu, út úr stjórnmálum. Að lokum: Framsóknarmaður á Suðurlandi (orðinn aldraður), sem ritaði stundum greinar í Þjóðólf, endaði skrif sín oftast: Íslandi allt! Ég geri það líka.

Innstæðutryggingar ná ekki yfir hrunið

Frekja

Baldur gráðugi ætti frekar að skila einhverju af því sem hann fékk hjá Eimskip, heldur en að heimta meira. Hafa verður í huga, að það tók hann ekki nema  um eitt ár að setja félagið í þrot.

Eimskip sýknað af kröfu Baldurs

Rugludallar

Stundum held ég, að sömu aðilar pikki inn Vísir.is og Mbl.is. Slíkt er ruglið. Legg til, að þessir aðilar fari aftur í þriðja bekk barnaskóla.

FARC fordæmir svik